Imana idufashije umukino wa Police Fc twawutsinda- Umutoza Becken

Umutoza w’ikipe y’Amagaju, Bizimana Abdu, atangaza ko umukino wo ku munsi wa 26 wa shampiyona n’ikipe ya Police bishoboka ko Amagaju yawutsinda. Ni umukino uteganyijwe kuri uyu wa mbere tariki 23/05/2016 ku kibuga cya Kicukiro.

“Imana nidufasha nta kabuza Police Fc tuzayitsinda”, Becken yizeza abakinnyi ko umukino bazawutsinda. Ibi Becken abihera ku mikino iheruka ya shampiyona Amagaju ahaeruka gukina na Police Fc. Iyi kipe iheruka gukura amanota atatu ku ikipe y’Amagaju tariki ya 15 Ukuboza mu mwaka wa 2013.

Sun 21/02/16 NSL Amagaju 1 – 1 Police
Sat 21/03/15 NSL Police 1 – 2 Amagaju
Sun 23/11/14 NSL Amagaju 1 – 1 Police
Sat 05/04/14 NSL Amagaju 3 – 1 Police
Sun 15/12/13 NSL Police 1 – 0 Amagaju

 

Amagaju azakina uyu mukino adafite rutahizamu wayo Mumbere Saiba Claude wubatse urugo ku itariki ya 21/05/2016 i Goma muri Repubulika iharanira Demokarasi ya Kongo, Munezero Dieudonné na Bizimana Noël bavunitse.

Amagaju atsinze uyu mukino yakwegera amakipe arimo Bugesera na Sunrise zifite amanota 31 zombi.

1 Response

Leave a Reply