Photo: Archive

Amagaju arashaka gukuraho amateka mabi afite kuri APR Fc

Hashize imyaka itatu Ikipe y’Amagaju idakura inota cyangwa atatu ku ikipe ya APR Fc mu mikino ya shampiyona. Muri shampiyona ya 2012-2013 nibwo ikipe y’Amagaju iheruka kunganya na APR Fc mu mikino yombi ,ubanza n’uwo kwishyura (1-1, 0-0).

Nk’uko bigaragara ku mikino itanu yakurikiyeho, ikipe ya APR Fc yatsinze Amagaju harimo umukino ubanza muri iyi shampiyona turimo ya 2015-16 APR yatsinze 2-1 kuri stade ya Kigali (Nyamirambo).

Thu 03/03/16 NSL APR 2 – 1 Amagaju
Sun 19/04/15 NSL APR 2 – 0 Amagaju
Sat 13/12/14 NSL Amagaju 1 – 2 APR
Sun 20/04/14 NSL APR 3 – 0 Amagaju
Sat 21/12/13 NSL Amagaju 1 – 2 APR
Sat 20/04/13 NSL Amagaju 0 – 0 APR
Sat 03/11/12 NSL APR 1 – 1 Amagaju

Ku wa gatatu tariki ya 08/06/2016 kuri stade Nyagisenyi mu karere ka Nyamagabe, aya makipe afitanye umukino ukomeye wo kwishyura muri shampiyona ya 2015-16 izaba igeze ku munsi wa 27. Ikipe  APR Fc, nubwo imaze igihe itsinda Amagaju, ishobora kuhatakariza amahirwe n’icyizere byo kwegukana igikombe cya shampiyona 2015-16.

Ku ruhande rw’Amagaju, gutsinda uyu mukino bishimangira kuguma mu cyiciro cya mbere bidasubirwaho ndetse no guhagarika amateka mabi yo kumara imyaka itatu APR Fc itahana amanota atatu mu mikino ya shampiyona.

Muri uyu mwaka wa shampiyona, Amagaju yatsindiwe i Nyagisenyi n’amakipe atatu arimo Rayon Sports 0-2, Kiyovu SC 0-2 na Mukura VS 1-2 mu mikino 12 imaze gukinirwa i Nyangisenyi. Andi makipe 9 yarahatsindiwe cyangwa aranganya.

 

Info@amagajufc.com

Leave a Reply